سألوني
______
سألوني عن أمي
فقلت
وبعنيا ممدة
فارشة مطرح جوه قلبي
والكلام جاي وإبتدا
الوداد عاش له أصول
والجماد ينطق يقول
دا القمر داقق طبول
إصحوا يا ولاد حينا
إرسموا طبع الكلام
إنحتوه بقلب الصخور
لونوا الإيد اللي شالت
وإعكسوا بيها الحرام
وحدوا للسير نظام
قلب مفتوح م الغرام
واللي مستغرب كلام
ما أحنا صايمين زيكم
حبنا صارخ عفي
دمنا منزوع جفي
والدسم كامل يا بويا
آه
يا شريط الذكريات
للي عايش واللي مات
واللي مات لساه ما ماتشي
نبضه عايش بين رفات
اللهم اغفر لهم وارحمهم
واسكنهم فسيح جناتك
بقلم/وافي إسماعيل الشلبي
ليست هناك تعليقات:
إرسال تعليق