==اخدوكى منى ==
-------------------------------
اخدوكى منى
وقفلوا على الامل باب
اضحك يهتزوتر الدموع
خانتنى المسافات
وخانتنى عيونك لما وعدت عينيا بحاجات
وبقيت اصارع فى قلبى
يغلبنى ويرمنى فى متاهات
قلبى وقلبك غلطوا فى الحسابات
عاشوا الحياة تواريخ
و العشق جغرافيا
ومن امتى العشاق بيفهموا الحسابات
لسه الامل جوا تكعيبةعينيكى
ح يفرفطوه الصبايا
حكايات تحكى عليكى
لسه الجناين خضرة
بالشوق تزهر
تملى الكون فل وعنبر
لسه يا حب العمرالاكبر
بكرة اللى جى انضر
لسه مواسمنا القديمة
ح نجنى منها فرح يكبر
اوعوا تقولوا للشمس روحى
دى هيه جايةللكون تعمر
الضلمة كات بتخنق ترتيله
فيخبى الفجر فى منديله
ودبيب القمرة متخوف
و ضبابة ونابها متسوس
والحلم لو كان متلوث
بنزيف الوهم المتورث
الدنيا معك ح تفلس
يا سنابل عمرى المتونس
بعبير الغد المتجنس
مشدود فى دراع الفارس
الخارج من زنازين الحابس
بارسم لك بكرة
بالفين فكرة
حنعدى المشوار ونخطى
لمداين شطك مع شطى
===============محمدعبد المقصود داود=======
================================
ليست هناك تعليقات:
إرسال تعليق