سامحينى يا امى
من ديوان (كلمات لها معانى مع اجمل الاغانى)
كلمات ادهم العوضى
أدهم عبده مجلى
★★★★★
ما اقدرش أعيش فى الدنيا وأنت مش فيها
ما أقدرش أكون إنسان يا زهرة البستان
ده انت اللى كنت النور والضلمه لياليها
وأنت اللى شيلتى عنى كتير من الأحزان
وانت اللى كنت بأخاف لو تبعدى عنى
والبعد عنك خوف مالهش أمان
جربت اعيش بعدك كتير
ولا أخلى قلبى فى يوم أسير
ما قدرت على ليلة بعاد
ولقتنى مستنى الميعاد
والدنيا بعد بعادك انت يا امه
ضاقت وأنا جرحى خطير
★★★★★
سامحينى لو فى يوم
قلبى سبب ليكى جرح
ده انت شيلتى كتير هموم
اه وبدلتيها فرح
صدقينى ما كانش قصدى
انى يوم اجرح فى قلبك
وانت برده لو هترضى
مش هاعيش العمر بعدك
مأنت ياما كل حاجه وانت اسرار السعاده
وانت كنتى برج عالى وأنت اعلى بيت وصرح
★*★*★*★
يا سفينه ماشيه بينا
وسط موج وظلام وليل
لو هنغرق تنقذينا
او تداوى فينا العليل
اه يا نور ظاهر فى ضلمه
لو نتوه انت الدليل
نورى لينا الحياه
وامسحى م القلب اه
دمعتى لو يوم هتنزل
مش تساوى رد الجميل
ما انت عندى كل حاجه
وانت اسرار السعاده
وانت كنتى برج عالى
ما أنت اغلى بيت وصرح
سامحيني لو فى يوم
قلبى سبب ليك جرح
ده انت شيلتى كتير هموم
اه وبدلتيها فرح
★*★*★*★
كلمات ادهم العوضى
أدهم عبده مجلى
ليست هناك تعليقات:
إرسال تعليق