رقصة،، باليه،، ♕
**************
لانك مواطن مالهوش لزوم
بتمسك كاميرتك تصورها زوم
تشيل البلاطة تبيع ف الهدوم
و صبرك يكفي طلوع الجبال
و حيرتك تصفي علي شئ محال
في كل المواطن معاك عقل باطن
و بين الكوارث،، مواطن جمال
و املك في دنيا نضيفة و شريفة
بتسمع كلامهم،، نقية و عفيفة
تطبقها فيهم،، عشان بتراضيهم
تلاقي مبادئك،، معاهم سخيفة
و اكتر كلامهم في مين قال، و ليه
و لو يوم تلومهم، تكون ابن، ايه
بتسمع و ساكت، عشان دنيا غابت
مبادئها ماتت، في رقصة باليه
اتاري الكلام،، لفض المجالس
لناس مش تمام دا، واقف، دا، جالس
و تلبس قناع، لكل اللي باع
و تضحك خداع،، عشان تبقا فارس
********************♕
اشعار / ياسر عبد الحميد
*********************♕
ليست هناك تعليقات:
إرسال تعليق