حكاية
بنت من البنات
حكم عليها الزمان
انها تخدم ابوها العيان
بارادتها مش غصب عنها
عشان تروح لابوها
متفقة مع مرافب الدوام
يغطي غيابها مقابل المعلوم
كان ليها اخوات بنات واخ كمان متجوزين
ومن مكرها كانت ماتفتحش ليهم الباب
لما يجوا عايزين يطمنوا على ابوهم
اللي يسمع انها عاشت من غير جواز عشان خاطر باباها
يقول مسكينة خصصت عمرها لخدمة ابوها المقعد
الاب كان يملك 3 شقق سكنية
نجحت محاولاتها
وخلت ابوها يكتب لها الشقق التلاتة باسمها
وحرمت اخوتها من الميراث
ومات ابوها
وماحدش ورث منه حاجة
كل مايملك مكتوب باسمها
وماقتنعتش بكده
بحبشت ودورت لغاية مالقت عريس مليان فلوس
عنده عمارة ومعمل كمان
اتجوزته طمعا بفلوسه كمان
وشاءت الاقدار ان عريس الهنا بتاعها يخسر عمارته ومعمله
وراح ماله كله وبقى عالحديدة
وأضطر يسكن عندها في بيتها
وهي ماخلفتش منه ليه لان سنها عند الجواز كان كبير
بالخمسينات
وياعيني عليها مااتهنتش بالجواز
سنوات قليلة ورحلت هي من الدنيا دية
عريس الهنا خد نص تركتها
وبقية التركة رجعت لاصحابها اللي حرمتهم من ورتتهم
رجع المال لاصحابه
وهي راحت بس بالكفن ياولداه
عارف البديوي
ليست هناك تعليقات:
إرسال تعليق