قصيدة بعنوان
(والله بان؟؟؟؟؟!!)
والله بان علينا شيبنا.
شكلنا تقول خربنا
أو عجزنا كرمشه
واضحه زي عين
الشمس في خدودنا ...
والحيل معادش فيه
مروه.....
وال كنت فاكره شديد
بان بضعف خالي من
أي قوه.
ال كان خيرى
أبو حسنى فيه.
كان صحيح
مولود فقير لكنه
غني وغناه
مايبصش لحد
مهما كان لو وزير
بس كان واد جميل
بين شباب كحيله
عينه كان له شعر
تقول حرير.
يمشي على الأرض
بصدره واخد الريح
في وشه حبه بس
ويعمل جناح في السما
ويقدر يطير.
له عيون تلمع براقه
وبريئه زي لمعان الصبح
بدري صافيه موت
ونن عين فيها
حور تقول ملاك
يقلب أي بنت في
غرامه وهيامه
كان عايق في ماشيته
إن كان سريع
أو واخدها كعابي
خطوتين بخطوتين
فرشته في نمته
مش فارقه عنده
إن كان حصير
أو سرير.....
آه يا عمر عدى فجأة
عدى يوم كان بضحك
وألف يوم كان بحزن.
ساعه شر وساعه
خير......
مرة تدوق الحلو مر
ومرة المر تدوقه سكر
تقعد تنكت بدون
ماتخجل تضحك
تجيب آخر الشارع
مش فارق معاك
في غداك عود سريس
وجبنه حادقه أو عسل
معاه فطير......
يا حياتنا البهيه.
العيشه معدتش هيه
الغالي بان برخصه.
والرخيص بنقول
ياغالي لخبطيته
في وسط زيطه.
وزمبليطه ..
زحمه طحن
والعيون في أحداقها
زايغه والقلوب
في بضمير وبدون
ضمير.....
الحب ال بينا كان
بفطرة ماتعرفش
القلوب كره
وأي حقد والحسد
ملوش وجود.....
والبيت ال النهارده
شايفه برج.
كانت خيمه واقفه
بدون إيدينا أو رجول
مسنوده في
النص من الجريد
واقفه بعود.
تلاقي دفا بلحاف.
حتى لو شتاها موت
أو زمهرير أو
برود.....
يا سلام على زمان
على ريحة الطينه
لما تتبل برخة مطره
في الصباح تشم
ريحة وأي ريحة
ليها عطر جاي من باقة
ورود......
آه يا عمري ال فلت
من بين أيدي.
كان فين عقلي فين.
وفين صحابي
ال كنت أشوفهم.
عيشة غربة أخدتني
غدر أبكي على حالي
ولا أنسى لأه
أقول بأني أنسى
فا الفات
إزاي يعود.......
5/2/2024
(ترنيمات وخواطر.بقلم..........)
(شاعر العاميه/خيرى حسنى.)
ليست هناك تعليقات:
إرسال تعليق