( المسحراتي)كلمات/صبري حسين
(11)
مسحراتي
معاكم ليلاتي
يا اهلي واصحابي
دايما في ميعادي
اصحي كل احبابي
اصحوا يا مسلمين
السحور بركة ده كلام خاتم المرسلين
رسولنا الصادق الامين
عليه وعلي أهله وأصحابه افضل صلاة ليوم الدين
مسحراتي
وزي ما اتعودنا من سنين
يكون كلامنا مفيد
كل يوم موضوع جديد
ربنا يجعله شهر سعيد
وينعاد علينا وعليكم كتير من الأعوام
ويتقبل منا ومنكم الصيام والقيام
وصالح الاعمال
نبدأ كلامنا بالحمد والتسليم
لله رب العالمين
ونصلي ونسلم علي خاتم الانبياء والمرسلين
رسولنا الصادق الامين
عليه وعلي أهله وأزواجه وذريته اجمعين الي يوم الدين
كلامنا اليوم عن الام
بكره الاحتفال بعيد الام
الام يا مؤمنين
الاحتفال بها مش محتاج يوم معلوم
الاحتفال بالام طول الحياة
قبل ما نخترع للام عيد
سبحانه كرمها من فوق سبع سماوات
سيدنا محمد عليه افضل الصلاة واتم التسليم
وصانا بآلام
الام هي اللي دايما شايلة
هم الكل
صغار وكبار
الام هي نوارة الدار
يا مسلمين يا موحدين
يا كل بني الإنسان
الاحتفال بالام
مش بالهدايا والا الاغاني
ولا بتقديم التهاني
الاحتفال بالام
لازم يكون بالبر والإحسان
نحتفل بها في كل وقت وزمان
الام هي الحنان
حضنها كل الامان
في وجودها نعرف الإطمئنان
الام تحت قدميها الجنان
الام مدرسة
الام حنان ورحمة
الام اجمل وأعظم عطايا الرحمن
سبحانه قرن رضاه برضاها
الام كلمة صغيرة
حروفها قليلة
لكن افضالها كثيرة
افضالها علي الكل ظاهرة
رسولنا الكريم أوصانا بها
امك ثم امك ثم امك
ثم ابوك
عايز تحتفل صح بأمك
كن خام لها
دائما تكون تحت قدميها
احملها في كبرها
خليها دايما جوة قلبك
هي نور بصرك
مافي حد في الكون كله
يشيل زيها همك
وحدها امك
اللي تفرح لفرحك
تخاف علي زعلك
تتمني تجيب كل الدنيا لعندك
تحس بك حتي في صمتك
احتفل واكرم
زي ما طلب ربك
اياك في يوم تزعلها
ولا تكون دمعة في عينها
خليك دايما سبب لفرحها
خدها في حضنك
طبطب عليها سمعها صوت قلبك
امك ثم امك ثم امك
بر. امك في حياتها وبعد مماتها
بر امك طريقك لرضا ربك
اذكر دايما كلام حبيبك
سيدنا رسول الله عليه وعلي أهله افضل الصلاه واتم التسليم
عن أبي هريرة رضي الله عنه
جاء رجل الي رسول الله صل الله عليه وسلم فقال يارسول الله
من أحق الناس بحسن صحابتي قال
امك قال ثم من قال امك قال ثم من قال امك قال ثم من قال ابوك
صدق رسول الله صل الله عليه
كلام سيدنا محمد عمره ما كان كلام والسلام
سبحانه قال عليه في القران
وما ينطق عن الهوى إن هو الا وحي يوحي علمه شديد القوة
يا مؤمنين يا موحدين
بر الوالدين أمر عظيم
الام خصها خير الانام
عليه افضل الصلاه والسلام
لازم نعقل ونفهم الكلام
كل عام وجميع الامهات بخير وسلام
الله يرحم من هم تحت التراب
دعوة من كل القلوب
إن يغفر لهم ويرحمهم ويرزقهم خير الجزاء
يا مسلمين يا موحدين
كل عام وانتم طيبين
رمضان كريم
صبري حسين
ليست هناك تعليقات:
إرسال تعليق