ألوالنجدة
ألو الاسعاف
تعالولي بسرعة قوام
قلبي مولع نار
جيبولي الاطفائية
سافر لبعيد
وترك الالم يكبر ويزيد
ومن شدة شوقي ليه
انصهرت اوتاري
وانحرقت انفاسي
عايزة طفاية كبيرة
تخمد لهيب اشتياقي
وتطفي كهربة احساسي
وتبدل فيوز مشاعري
وياريت تجيبوا الطوارىء كمان
عشان تقطع الطريق
بين مكان الحريق
ودرب عشيقي الهربان
وتلقوا القبض عليه
بلا شفقة ولاحنان
وترجعوه لعشه قوام
وتغرموه تكاليف
اصلاح اوتار الغرام
اللي وقفت عن العزف تمام
وتحملوه كل عطل وضرر
احدثه جنابه
لما قال يافكيك
وطار للبعيد البعيد
يالله تعالوا قوام
بسرعة وعجلة عالتمام
قبل مايمتد خطر الهجران
لبقية الولهانين على مر الازمان
عارف البديوي
ليست هناك تعليقات:
إرسال تعليق