بقلمي الشاعر محمد عبد الباقي حسين جمهورية العربية
قبل كل شيء الغلاء من انفسنا لاننا معظمنا بعيد عن ربنا وما بيعجبناش حد ولا حاجه حلوه ولا وحشه وربنا قال في كتابه ولقد اهلكنا قريه بطرت معيشتها فادعوا الله معي ان يرفع الغلاء عننا ولا يهلكنا وانظروا الى الدول اللي حوالينا وشوفوا ايه اللي بيحصل فيها مع الغلاء حروب وشقاء وذل ومهانه وكرب وهلاك فانحمد ربنا اننا في غلاء فقط
بقلمي
هفتان نفسي اشرب كيلو لبن واكل معاه فطيرتين فى السمن البلدي غرقانين ومعاهم حمامتين اعذروني هفتان اكل وفلوس هفتان حد يديني قرشين يا ناس اشتري كيلو ونص لحمه اه ما هو الكيلو ما بيكفيناش اسلقه واشرب من شربته والباقي اطبخ عليه قلقاس او بلاش حد يديني فلوس انا لسه واخد فلوس من خالي وبصراحه خايف ليطلع القلقاس غالي انا عندي اقتراح ثاني بدل ما تدوني فلوس يادي الكسوف مش عارف اقول ايه تاني ينفع حد يعزمني عنده على كبد وكلاوي اعذروني في السؤال واستحملوني شويه علشان هفتان يعني ما حدش رد عليا هقول تاني ينفع حد يعزمني عنده على كبد وكلاوي ويا ريت يكون معاهم صينيه رز معمر مع حتتين بفتيك وبطه على شويه فريك اعذروني هفتان زي اللي امي كانت بتعملهم زمان اه ياما على كده اوعوا تفتكروني بقول كده ورب الكعبه كانت بتعمل لنا اكثر من كده زمان وكنا بنفطر عسل ابيض وفطير كمان رغم اننا ما كانش معانا كتير زي دلوقتي ده احنا كنا من الفرع الفقير بس لما كنا بنروح لستي ام امي البلد اول حاجه بعد ما تسلم علينا تجري على السوق وسط الزحمه وبثلاثه كيلو تقطع لينا لحمه مع فرختين وبطه وتعدي على الغيط تجيب الخضار ايشي ملوخيه وباميه وبسله وترجع الدار وتعمل الباميه بطريقتها والله لاقول لكم على طريقتها وهي اللحمه بتتسلق تقطع عليها الباميه تقطيع بالسكين مع الطماطم وثلاث قرون فلفل حاميين وترميهم على اللحم السمين والتسويه تكون على القانون في الحله والبسله بنفس الطريقه دي برده في الحله وبعدين تغرف لينا ناكل وتحس وانت بتاكل انك بتاكل نوتيلا او شوكولاته والا لما كانت بتعمل البطاطا للعيال كل ده كان زمان اعذروني هفتان
ليست هناك تعليقات:
إرسال تعليق