مجلة نداء الرؤح لفرسان الكلمات

 ( الحب يا انسان )كلمات/صبري حسين

مسكت قلمي

ناديت علي أفكاري

سرحت بخيالي

عايز اكتب عن عيد الحب

كلام أهديه لكل محب

كلام يكون خارج من القلب

الحروف عصياني

مشاعري مش مطاوعني

زاغت عيني في كل الاتجاهات

مش سامع غير الأنين

دموع بتجري علي الخدين

مفيش اي مظاهر لعيد الحب

غير اللون الاحمر

لون دماء أبناء فلسطين

ازاي اكتب والقلب حزين

ياللي بتحتفلوا بعيد الحب

قولولي هو الحب فين

يا كل بني الإنسان

الرحمة فين

ليه كلكم صامتين

الدمار بعيونكم شايفين

لكل إنات الأبرياء سامعين

فينكم يارافعين شعار حقوق الإنسان

شعب كامل يباد

دمار في كل مكان

استقيموا ايها العباد

قبل ما تحتفلوا بالحب

اعرفوا ازاي تعيشوا الحب

الحب اجمل عطايا الرب

يا كل بني الإنسان

الله دعا بالحب في كل الأديان

امرنا نعيش بسلام

الانسان أخو الانسان

نتعامل مع بعض بكل احترام

قفوا في وجه الطغيان

ارحموا المستضعفين

أغيثوا المكلومين

اللي بالسما ملتحفين

علي الارض نايمين

يا كل بني الانسان

كلنا للحب محتاجين

خلونا نعيش الامان

الحب سلام

الحب اطمئنان

بالحب تكون إنسان

صبري حسين

عرض الرؤى

معدل وصول المنشور: ٦

كل التفاعلات:

١١