الزوج الخائب
...................
حصيدك ع.بيدرك من الشمس شاب وشاخ
و انت قاعد قملك . تفقس . تفلي
الكل ضبضب شعيرو مع الاقماح
تينك يبس و قرقد على المسطاح
يمكن العصافير تينه الك مش رح تخلي
قوم لرزقك عزماتك بعدن مشالله ملاح
كافي على الناس متظلم ومتجني
بالبيت مسبات و شتم و صياح
وصوتك على مرتك واولادك دوم بتعلي
عنزاتك جاعوا قوم فيهن سراح
ولا..بدك نعوره و نخش بالمسلي
خليك ع. دخان وعرق وصب قداح
ولعب طرنيب للصبح مع الشلي
بتعمل مشكلله مع مرتك لماتقلك
قوم فلاح
وعند البيدر لسانك شبر تتبيع الغلي
تصرف وتبعزق وسهراتك مع سكراتك للصباح
وليره ببيتك لمرتك واطفالك ما بتخلي
اولادك عايشين عحسنة الطيبن
والصلاح
ومرتك تخدم ببيوت الناس تغسل
وتجلي
حرمتهم العيشه الهنيه والسرور والافراح
موتهم غيظ وكمد وجلبت لقلوبهم علي
كيف بدك ولادك يكونوا معك مناح
وانت قدامهم دخان وسكر وعربده
و هنن ميتين جوع وعايشين من القلي
....... ....... .......
الشاعر
سعيدالحكيم
ليست هناك تعليقات:
إرسال تعليق