اصعب جراح
بتحس يومها إن انت ضل
وان الزمان بقى شيء ممل
مالك حبيب ولا حتى خل
وتآسي ياما حزن وكمد
دايماً بتهرب من همومك
مخنوق ومش طايق هدومك
فيه ناس كتير رافضين قدومك
لاي حته في البلد
وكمان اعز ما ليك يسيبك
الكل كان عامل حبيبك
تشتد نارك ويزيد لهيبك
خانوك بقصد وعن عَمَد
بتلاقي كله بيك غدر
وإن العذاب بقى ليك قدر
تتمنى موتك لو حضر
وتزول جراحك للابد
بقلمي/ خالد جمال ٢٦/٢/٢٠٢٤
ليست هناك تعليقات:
إرسال تعليق