مارون جلاسيه
ده حبيبي الروح
مشدوده إليه
والعين بتشوف
من ضي عنيه
والعقل تملي
يفكر فيه
لو يطلب عمري
شويه عليه
ده هواه بالكون
وبكل ما فيه
والشوق ف القلب
بناره كاويه
ده ف عينه السحر
يا خلق طاويه
غاوي يشغل فيّا
وقلبي غاويه
ومحال انسان
ف جمال يساويه
ده طبيبي وجرحي
ايديه تداويه
مش لاقي كلام
يتقال يكفيه
لو هل عليا
اندهله بايه
إن قلت حبيبي
راح اظلم فيه
وإن قلت هوايا
اتجنى عليه
دي حلاوته يا ناس
شهد إنما ايه
دورت ف كل
الحِلو عليه
أصناف الدنيا
تتوه جمبيه
قلت اما اسأل
اغلاهم ايه
شرقي وبلدي
مايلقشي عليه
وعشان ماهو عوده
فرنسي تريه
قلت اندهله
بمارون جلاسيه
يا مارون جلاسيه
يا مارون جلاسيه
بقلمي/ خالد جمال ١٥/٢/٢٠٢٤
ليست هناك تعليقات:
إرسال تعليق