ليه بيني وبين حبيبي

 ليه بيني وبين حبيبي

دايما يا ناس مسافات

اقرب لي من نن عيني

بس ف هواه مسافات

م الشوق بَعِدّ الليالي

كام يوم وكام مِسا فات

امتى هيرأف بحالي

ويقرَّب المسافات

امتى يحقق آمالي

يمسح ف عيني الاهات

ده مفيش ف القلب غيره

لو شاف بنات الوفات

اتنين تفكيرنا واحد

ومفيش ما بينا خلافات

اخلاقنا وطباعنا واحده

جمعانا حتى الصفات

طب ليه مش حاسه بيا

وانا شوقي ف عيني بات

متشاف من الف زاويه

مقري بكل اللغات

لفيت على كل داجل

وصاحبت العرّافات

حلِّلت انا لِيه وليّا

خدوا منا العينات

جايز تكون القضيه

هيه اختلاف الجينات

طب امتى تحس بيا

لو عمري يا خلق فات

يوم روحي ما تبقى فيا

والقلب يكون رُفات

لو مش مكتوبلي حبه

هفضل احب ف سكات

لو حتى ناسيني قلبه

عاشقه لحد الممات

بقلمي/ خالد جمال ٢٥/٢/٢٠٢٤

عرض الرؤى

معدل وصول المنشور: ٢٨

كل التفاعلات:

٤٤