شوية شاي في الخمسينه
بتحضن شعاعنا كل صباح
وتبوس الضحكه لما تطير
كل الغُلب والتكشير
شوية شاي في الخمسينه
مع صاحبى ال سكن روحى
وياه الحزن يتفتت
وتجف دموع العين
ويحلا العتب لو نتعاتب
ويصفى معاه قلبين
وانا وانت ..
الصحبه لما تجمعنا
تدوب جرح يوجعنا
وتهمس بشاير بكره
بكلام كبير له معنى
قسم ياعم وسمعنا
دا مهما يعلى موج البحر
بيننا سحر ..
يرسينا على المينا
وأصل السر
شوية شاي ، في الخمسينه
ليست هناك تعليقات:
إرسال تعليق