زجلية تحت عنوان: هي التْرابي ***

 زجلية تحت عنوان:

هي التْرابي ***

هي التْرابي...

ما تْعاود بالقسوة وتلاوي

بل بالكلمة والفعل النقي يا فلان

رد دينك صفا وسماحة ونشر الامان

تكون كَمرة ونورك ضاوي

لا تكون من صحاب شنشط

ؤ ل فرط راه يكرط

بني بالخير براجك ...

ؤخلي الرحمة تحيي كل لاوي

بنادم ماشي لخاطرو إيلا صاح

شد بيديه فهو عمرو في الغمة طاح

رجع شجرة معرقة يابسة ...

ؤ داو حقو ب لفتاوي

كون ناوي

تعود ولد الناس يجَبًر الباس

ما يغلبك لْسان الطايش والوسواس

تخضار سهول الود ...

وتعطر زهارها بالمسك والجاوي

حس بغيرك وقتل ذيك الانانية

لا يغرك شيطانك وتديك الدنيوية

يكرم الجوف وتعود للحق شاوي

ماشي ب تلاوي

تتعاد التربية...

بل ساسها لمعقول ..

والسماحة تاج والعفة حكمة راوي

لي سقاك ضر لا ترد بضرو

يكفيه لفيه منخور فكرو

فكون في الاحسان قدوة ...

وزرع الريحان وللقلوب داوي

هي ترابي

بذرة تحتاج للعناية

سقيها تعطيك ؤ توصل لذيك لغاية

حب الله والناس ...

تواضع وهبط لكواري

لا تقول انا بو مال القادر

قل انا عبد من عبيد الله ولو شاكر

رمم لكتاب ومضي لأقلام...

راه بالنضج يتقاد الراس الخاوي

بل خلي بصمت الصواب والاصول

عنداك تقضي ايامك ملعون مذلول

دير لمحبة كرباج...

وبالطيبة عاود الترابي

هي الترابي

*** الشاعر والزجال: أحمد الكندودي ***المغرب

عرض الرؤى

معدل وصول المنشور: ٢٣

كل التفاعلات:

٢ارق ملاك وشخص آخر