مبروك لكل طالب غش
بقي زايه زي الممتاز
وزايه زي اللي أخد درس
ألف مبروك ممتاز
الأمتحان اتصور راح ع الواتس
دخل اللجان يتوزع
والغش بالمجان
رئيس اللجان خدموه
للبيت كل يوم يوصلوه
في عربيه فخمة وادوه وجابوه
ياحلاوة التعليم ياجدعان
الغش بالمجان
طب أبنك مستقبله ايه
هيكمل يعني علام
طب لو نفرض عدا
من الاعدادي. في الثانوي
مفيش برشام
لكن الممتاز هيكمل
وبتاع الغش هيبان
وهيرجع للدبلوم
مش كدا ولا ايه
نازل نقش اجابة السؤال
خلص في دقيقة برافو يامان
خرج يشرب ساقع. مبسوط فرحان
شاطر ياواد حل الأمتحان
مبروك لكل طالب بيذاكر
وحل من مجهوده
ومبروك لكل طالب غش
جوه اللجان
كلماتي/ الباز افندي
ليست هناك تعليقات:
إرسال تعليق