من بختي

 من بختي

ياللي إنت عنيك ف الليل قمري

ياللي إنت بيحلى معاك سهري

دانا قلبي مالوش غير بس هواك

والله انا عاشقك من صغري

ياللي إنت جبينك نور بدري

ياللي إنت بحبك من بدري

ماقدرشي حبيبي ف يوم انساك

ده هواك مكتوب والشوق قدري

ياللي إنت نجومي معاك عليت

ودخلت حياتي وبيك حليت

كان عمري رخيص من قبل هواك

شفتك ايامي معاك غليت

دانا بدعي تعيشلي وباستمرار

دانا بحمد ربي ف ليل ونهار

انه بعتلي من عنده ملاك

عيشني ف جنة وسبت النار

سبحان مين صور فيك حسنك

سبحان من ابدع ف محاسنك

ده الورد يغير من كتر حلاك

يتمنى يكون ورقه ف غصنك

ياللي إنت غرامك من بختي

ياللي إنت ف بحرك عام يختي

اختار الهوى والشوق مرساك

من بعد سنين حيرتي ودوختي

من بختي

بقلمي/ خالد جمال ٢٤/٢/٢٠٢٤

عرض الرؤى

معدل وصول المنشور: ١١

كل التفاعلات:

٣فهدالصحراء الجرئ، ومحسن عبدالمعطي عبدربه وشخص آخر