سولت راسي!( زجل مغربي)-بقلم: محمد دومو -مراكش/ المغرب ( 11 فبراير 2024 )

 سولت راسي!

( زجل مغربي)

شحال سولت من مرة راسي

حاير وتايه ديما بالتسوال

علاش غير صابر ونقاسي؟!

واش باقي من عذاب مزال؟!

واش العيب فيا من ساسي

وأنا ما جايب ليه لخبار؟!

الناس ثعالب تتحايل عل الوافي

وأنا على طبيعتي عايش غضبان

فين مشاو الناس لملاح ولخيار؟!

وفين هاجر بلالج وفرݣ لحمام؟!

ما بقى فوساطي من سلام

غير لخدع ولمكر ولكذوب بالتفنان

كثروا بزاف ولاد لحرام

وتبدلات طبيعة هاذ الإنسان

كلشي أصبح ليوم مفتون

الله يلطف بنا من هاذ الجنون

-بقلم: محمد دومو

-مراكش/ المغرب ( 11 فبراير 2024 )

عرض الرؤى

معدل وصول المنشور: ١٣

كل التفاعلات:

٢ارق ملاك وشخص آخر