عِشقَك غِية

 عِشقَك غِية

ياللي إنت هواك جوه ف قلبي

وف نن عنيا

ياللي إنت معاك فرحي وسعدي

ويا كل ماليا

ياللي إنت عنيك نجمه ف سهري

بتشاغل فيا

ياللي إنت جبينك نور بدري

لو هل عليا

ياللي إنت ايديك لو على خدي

كل الحنية

ياللي إنت حياتي اديتهالك

وعليك دي شويه

وسعادتي انا مهما اوصفهالك

واحد ف الميه

والعين لو نطقت مايلالك

هتقول ملاغيه

ياللي إنت الروح وياك بتروح

وبتنسى النوح وتكون مرضيه

عشقك غية

اول ماعرفتك مِعرِفتك

كت غالية عليا

اول ما لقيتك حسيتك

احلامي الجايه

اول ما هويتك خبيتك

وداريتك فيا

الشوق وداني لباب بيتك

ماصعبشي عليا

ياللي إنت معاك شفت الدنيا

وفتحت عنيا

ياللي انت سنين عاشقاك العين

ولا عمري سألت هواك على فين

هيروح بيا

عشقك غية

بقلمي/ خالد جمال ٢٠/١/٢٠٢٤

عرض الرؤى

معدل وصول المنشور: ٢١

كل التفاعلات:

٢ارق ملاك وشخص آخر