يموت العشق ف قلوبهم

 يموت العشق ف قلوبهم

من قلة الوصال

و كتر الغدر مابينهم

لما يزيد حب المال

و ينسوا كل أحلامهم

بيت صغير و دستة عيال

قال أسافر أكون نفسي

و أحلامنا نحققها

يدوب شهرين رسايل

و بعدها ينسى عنوانها

خلاص المال ملك قلبه

ما عدش الباشا من توبها

أشوف شركه ولا عماره

و أشتري كام فدان

و أبني ڤيلا يدوب دورين

تكون في أجمل ميدان

و عربيه أحدث موديل

كفايه عليا كده حرمان

و نسى وعد كان بينهم

و اتجوزت ابن الجيران

و لما عاد تاني لبلده

و ماشي و بنفسه فرحان

و شافها كأنه ما يعرفها

و طبع النداله عليه بان

و اللي بينهم بعيد عن الحب

تسالي كأنه مضغ لبان

(((أسامه جديانه)))

عرض الرؤى

معدل وصول المنشور: ١٥

كل التفاعلات:

١ارق ملاك