( أم الدنيا )

 ( أم الدنيا )

أم الدنيا تشيل عيالي

يا تلغي الأم.

وتقول: وأنا مالي

سوري/ يمني/ سوداني

ليبي/صومالي/ يوناني

كل العام يقعد جوه

وبره العالم التاني

قصدي.

العالم اللي: في بالي

ح تكون أم الدنيا إزاي

إن مكانتش الدنيا معاي؟

أم الدنيا تشيل الكل

وتسقي كمان الكل الشاي

من: سواقي السد العالي

مين: قالك إنك لاجئ؟

أو جاي من سفر مفاجئ

هي عارفة إنك جي

مش الأم اللي: بتتفاجئ

بضناها وأخويا الغالي

عندنا دنيا تسيع الكل

وأم لدنيا ملهاش حل

أم الدنيا أد القول

لما تقول: بتقول بالفعل

وإن شافت شر أعمالي

أم الدنيا تشيل عيالي

( مصر )

حربي علي

شاعرالسويس

عرض الرؤى

معدل وصول المنشور: ٩

كل التفاعلات:

١ارق ملاك