ونصيب بيلف ويخنق فى الحلم
سراب يلمع فى العتمة
فى اخر الرحلة يفل
نزرع افراح فى صدورنا
تطرح اشجار من غير ضل
الدنيا مش قد مقاسنا
بتدوس احساسنا
ولذا بنعيش فى الظل
فبلاش تتشعبط فى الحلم
على ربع رغيف اشتقنا
وادينا بنتذل
بيرصوا نجومهم فى سماهم
ويقولوا قمرنا محتل
وبنضحك ببواقى الكلمة
والقسمة تايهه عن الكل
كلنا فى الدايرة بنجرى
وبنرجع نشتكى من الهم
لو نخرج من العتمة الخانقة
ندخل فى العتمة الام
اوهامنا كبيرة مع خوفنا
فبنقتل فينا الحلم
======================== محمد عبد المقصود داود
ليست هناك تعليقات:
إرسال تعليق