مين اللي قال ان الألم
مش موجود إلا بين الضلوع
يمكن يكون الألم ساكن
جوه بطن تشكي ألم الجوع
أو يكون ساري في عقل مظلوم
أو في لحظه انخدع
في وعد قاله لا يمكن فيه الرجوع
أو يكون حلمه اتسرق
و كان بيأمل في السطوع
أو يحس بالضياع يضحك
و القلب بينزف دموع
يتخطى كل الصعاب
و اليأس يرفض الطلوع
كل دي لحظات ألم
و الألم من كل نوع
فيه اللي يقدر على الألم
و يتخطى كل الصعاب
و فيه اللي أتخدع وأتصدم
لما خدعوه الصحاب
و فيه اللي أدمن الألم
و فتحله كل الأبواب
و فيه اللي كالهرم
و لا همو لحظات العذاب
و فيه اللي ألمه شد عزمه
و صمم يعيش الشباب
و لا قال في يوم انو انظلم
و نفض من على الماضي التراب
(((أسامه جديانه)))
ليست هناك تعليقات:
إرسال تعليق