اوهام

 اوهام

استنى ماتحكمشي عليا

ولا تتسرع ف الأحكام

دانت بعادك عني شويه

سجن مؤبد او اعدام

اوعى ظنونك تغدر بيا

اصل الظلم يا عم حرام

بتقول خنتك وأنت ضحيه

وان غرامي ده كان اوهام

اللي قالو لك عني بخونك

ليه تصدقهم يابني اوام

تأسى وقلبك ليه يتحول

لو بيقولوا اي كلام

مش تتأكد منه الاول

قبل ماتجني على الأحلام

هما بعينهم جم وقالولي

نفس القول بالمللي تمام

بس انا قلبي محال هيصدق

ده اللي ما بينا يا عمري غرام

ولا حكاويهم ليا بتفرق

ولا بيخيل على قلبي كلام

علشان واثق فيك يا حبيبي

مهما يقولوا بعَدِّي اوام

علشان حبي حب حقيقي

عمره ما كان كدب وأوهام

عارف قلبك صافي وطيب

عارفك باقي على الأحلام

لو مش باقي كنت هتمشي

من غير اي عتاب وملام

شايف البسمه جوه عيونك

يبقى خلاص كده كله تمام

سيب ايدك تحتضنها ايديا

هات راسك على كتفي ونام

وانا هارقيك م العين يا عنيا

تعقل وتبطل اوهام

بقلمي/ خالد جمال ١٥/١/٢٠٢٤

عرض الرؤى

معدل وصول المنشور: ٢٤

كل التفاعلات:

١ارق ملاك