العاشقين

 العاشقين

الأولي أه

والتانيه اه

والثالثه اه

واسمع بقي قبل ما تروح

بعد انتهاء السهرة

الكل قام روح

والشمس بعد ما طلعت

نوم العاشقين روح

وفيه اللي عارف سكته

واللي ماشي يطوح

واللي بيرقص من الفرحة

واللي من الحزن بينوح

ياناس قتيل الغرام

وألغالية راحت فين

والعين بتعشق كتير

وحبيبتي سابتني لمين

وناس. لابسه الهدوم

ولبساها مكويه

وقلب العاشقين مكوي

لكن الهدوم مداريه

زرعت شجرة صبر

رويتها بدموع عنيه

بدل ما تطرح صبر

طرحت ياناس حنيه

عشقت بنت سمره وشقيه

في غرامها كانت جنيه

شبكتني معاها في بحر الهوى

سرقت مني قلبي وعنيه

اصل الغرام دا سلطان

ما يغلبوش انس ولا جان

والحب دا بيجري في الدم

مش بالعافيه والدراع ياعم

يا عم قوم روح

بقلم

احمد محمود

من ديوان حبة رتوش

عرض الرؤى

معدل وصول المنشور: ٢٣

كل التفاعلات:

٢ارق ملاك وشخص آخر