جاي تبكي والدموع ماليه عينيك
وف الحقيقة عاملني لعبه بين إيديك
هي المحبه مزارتش مره الأحبه
روح مبقتش حمل جروح
روح بقى كل شيئ مفضوح
كرهت طباعك فين ماتروح
إبعد عني الله يخليك
مش هرجعلك مهما تقاسي
يال جرحت كتير إحساسي
كنت البدر وسط أهلي وناسي
توهتني ف ظلمة لياليك
مش هندم إني مفرقاك
أنا ال عشت العمر أهواك
طلعت شيطان ف شكل ملاك
وبدعيلك ربنا يهديك
بكره أكيد ربي يعوضني
حد جميل من قلبه رايدني
مش زيك عنه بيبعدني
وصبح وليل ف الهجر راميك
روح استعوض ربنا فينا
إحنا استعوضنا ربنا فيك
أيوه روح ربك يغنينا
وربك برضوا عننا يغنيك
ليست هناك تعليقات:
إرسال تعليق