جايلك يا حبيبي

 جايلك يا حبيبي

جايلك يا حبيبي انا ف السكه

جايلك دانا واقف على تكّه

مشتاق لعنيك والشوق بنّا

ناره قايده ملهلب ف الجِته

جايلك يا حبيبي بسرعه اوام

جايلك بس اوعى يا روحي تنام

ازاي هتنام وتسيب قلبي

دانا جايلك شايل احلى غرام

جايلك يا حبيبي ومنى عيني

اخدك على طول بين دراعيني

جايلك ومحوِّش احلى كلام

ده غيابي عليك كان على عيني

جايلك يا حبيبي تعبت خلاص

جايلك يا أرق واغلى الناس

ماهو اصل هواك مفتاح قلبي

ولغيرك قافله بميت ترباس

وحشتني بجد يا عمري عينيك

وهاموت وتحس ايديا ايديك

مانا اصلي عشقت يا خلق ملاك

اسم الله ياواد عيني بارده عليك

جايلك يا حبيبي

بقلمي/ خالد جمال ١٢/١/٢٠٢٤

عرض الرؤى

معدل وصول المنشور: ٢٧

كل التفاعلات:

١ارق ملاك