أغنية عملت القلب شمعة
أدهم عبده مجلى
(أدهم العوضى)
★★★★★
يا سايبه القلب بين اوجاع
وفايتانى وقلبى انا ضاع
وتحكى فى ليلى ونجومى
مشيتى بعيد ما قولتى وداع
وسايبه غريق وهتعومى
فى بحر اللوم هتلقى ضياع
يا ريت ما ترجعى تلومى
★*★*★*★
قلبى البرئ ما يستحقش كل ده
ليه الحياه ظالمانا بس ليه كده
وإحنا اللى كان الحب بينا بيتبسط
لما يلاقينا فاكرين هواه والناس نست
صبحت عنينا دبلانين
ولا بتواسينا دموع العين
سابنا الحبيب باع الحنين
مركب هواه ولا يوم رست
يا سايبه القلب بين اوجاع
ورايحه تشكى وتلومى
مشيتى بعيد ما قولتى وداع
وسايبه غريق وهتعومى
★*★*★*★
وانا اللى كان الحب منى بيتعلم
مين اللى خان من غير ما حتى يتكلم
بعد ما كنا اغلى احباب
بعدنا ليه وبقينا أغراب
ومفيش لهجرك اى اسباب
روحتى وسبتينى عشان عِندك
وبقيت قاعد ماأعرفش انا ليه
عايش فى الدنيا بألوم على ايه
سلمتك قلبى وليه تسيبيه
مجروح محروق من نار بُعدك
ما مشيتى بعيد ما قولتى وداع
وسايبه غريق وهتعومى
فى بحر اللوم هتلقى ضياع
يا ريت ما ترجعى تلومى
★*★*★*★
وأنا كنت بأقيد فى القلب شموع
علشان بتنور ايامك
لا طفيتى الشمع وعاش موجوع
من نار غدرك ويا آلامك
و قلبى هان علشانك عشان بيداوى أحزانك
وانا قلبى ما عرف النار
ولاعمره ف سنينه احتار
لكن غلطه وعملها قرار ظلم نفسه فى حرمانك
يا سايبه القلب بين اوجاع
ورايحه تشكى وتلومى
وفايتانى وقلبى انا ضاع
وتحكى فى ليلى ونجومى
★★★★★
أدهم عبده مجلى
(أدهم العوضى)
ليست هناك تعليقات:
إرسال تعليق