حلوه قوي
حلوه قوي ماقدرشي اوصفها
مهما اقول عمري ماهنصفها
الدلال يدَّارى لو شافها
كان يتوه ف بديع اوصافها
قدها خدها شفايفها
ضحكها رقتها كسوفها
قلبي مال هيموت يعرفها
لو تميل تلقاني على كيفها
ع الحصان لابيض هخطفها
نسمه ساريه تهوِّن صيفها
في الشتا شالها ومعطفها
لو تجوع هتشوفني رغيفها
فيض امان هيدوِّب خوفها
في الخطر سكينها وسيفها
خدني شوقي اليها ساعتها
اتلفتت بصّت ف ساعتها
ندهِت عنيها ايديها سبقتها
فرح وسعادة الكون ماسعتها
كان حبيبها وصل ف ساعتها
هدت كياني احلامي قطعتها
الروح تعاني بتداري لوعتها
العين كمان ف ثواني طاوعتها
على خدها نزلت دمعتها
يا ريتني كنت مشيت ف ساعتها
بقلمي/ خالد جمال ١٢/١/٢٠٢٤
ليست هناك تعليقات:
إرسال تعليق