السكينة سارقانا
كلمات / إسلام كمال
-------------------
إحنا السكينة ..... سارقانا
وللا .. حالتنا دي عاجبانا
ومش جاية .... على هوانا
زمان طلعوا ... وقالوا إيه
كيلو اللحمة ... بقى بجنيه
والغلبان .... هياكل .... إيه
إحنا هنطلع ... ونقول إيه
اللبانة .... بقت .... بجنيه
ورقة ب ١٠٠ ب ٢٠٠ يابيه
تطلع من جيبك ترجع ليه
شوية فكة ..... يعملوا إيه
تشتري بيهم .... تمن تسالي
مايقضيش .. طب تعمل إيه
جيب لإبنك حصالة وحوش
فيها جنيه على نص جنيه
يجي الواد .. ويقوللي يا بابا
أنا عايز ......... عشرين جنيه
أقول له ..... هتعمل بيهم إيه
يقوللي هأشتري واحدة باتيه
وواحدة عصير ...... أبلع بيه
وأنا أقول يللا ....... هتفرق إيه
يجي الواد التاني .... ويعيد لي
نفس القصة والبنوتة تنده عليه
إشتري ليا ... يا أخويا ياحبيبي
زي اللي إنت .......... هتشتريه
معايا ٣ في دقيقة صرفوا ٦٠ جنيه
ده غير مصروفهم ...... ومطالبهم
وكل اللي .........بيفكروا ..... فيه
تيجي تسألني ......... بتقبض كام
أقولك ............. خمستلاف جنيه
حد يقوللي ........العيشة دي تمام
وللا الوضع ده ......... محتاج إيه
عايش راضي ..... بوضعي الحالي
واللي ربنا ................. يقسم بيه
لو في حل ......... ياريت تقولولي
وأنا أجري ....... وأروحله وألاقيه
ليست هناك تعليقات:
إرسال تعليق