خدني هواكي
خدني هواكي وسحرك فيه
سيبت الدنيا...ً.ورحت عليه شفت جمال وتخبي عنيكي
شوق للقلب...بخوف يداريه
...................................
كل كلام....ف الهوى معانيه قلبي..... عشان حبك يناديه يهدي حنانه....سلام بإديكي لو فيه جرح.....زمان يداويه
....................................
يروح على قلب الحب ماليه فرح العمر..... يناجي ماضيه
يعيش أمل حلمه ف لياليكي
وانت القمر.........اللي محليه
...................................
قلبي وغرام...مع حب شاريه
راح لجمال....والروح تناجيه
شايفك دنيا..وحسن ماليكي
مين هيلومك.........لو تراعيه
.....................................
عايشك حلم......صالح لياليه
خدني لطرح..... غرام أجنيه
ورد وفل........بحب أهديكي
واناولك قلبي.....تسكني فيه
*************************
بقلم/عبد الكبير محمد أحمد
جمهورية مصر العربية المنيا.
ليست هناك تعليقات:
إرسال تعليق