ياللي جمالٍك فيض رباني

 ياللي جمالٍك فيض رباني

اجمل بنت ف كل الكون

لا فرنساوي ولا اسباني

شرقي بكحل العين واللون

اصلي جماله ومش تايواني

كل ما فيه ده يا ناس ف الجون

حاسّه بقلبي ومالكه كياني

تخلِص ليّا وعهدي تصون

حسِّت بيه الروح ف ثواني

داب القلب ف احلى عيون

قلبي سألها لو حبّاني

ردت دانا عشقاك بجنون

جوه عنيه من الناس خبّاني

قاللي غرامك بيه مفتون

قلبي ناداه على طول لبَّاني

قاللي بجد انا بيك مجنون

قشطته بلدي ومش لبَّاني

اصلي وكل ما فيه مضمون

عِش معاه تلقاه قضَّاني

وسط القش هاكون ممنون

غنيتلها اجمل الحاني

وعزفتها ع الاكسليفون

صوت العود بيقول واحشاني

والناي اوعي عليكي نهون

حد يسيب القلب الحاني

يبقى بجد يا ناس مجنون

بنت بلادي وعايشه عشاني

اجمل بنت يا ناس ف الكون

بقلمي/ خالد جمال ٢١/١/٢٠٢٤

عرض الرؤى

معدل وصول المنشور: ٢١

كل التفاعلات:

٢ارق ملاك وعبد الغني اليحياوي