روح الروح

 روح الروح

اوعى لَقلبك يوم ينساني

اوعى لَروحك مني تروح

اوعى يضيع منك عنواني

اوعى لَقلبي يعيش مجروح

دانا علشانك سبت زماني

رحت وراك مطرح ما تروح

من اسوان ولسيدي برّاني

ايوه اللي على حدود مطروح

ماستحملشي تغيب لثواني

بُعدك زي طلوع الروح

ببقى معاك انا واحد تاني

بلقى هواك بيرد الروح

بلقى ورودي تزين بستاني

ايوه شذاها معاك بيفوح

حتى طيوري تغني اغاني

وبتتمايل وسط الدوح

ياللي عيونك مالكه كياني

وباسرار عشقها بتبوح

ياللي رموشك كده اسراني

ومحاصراني فين مابروح

بلقى الدنيا معاك واخداني

من أحزاني وضيقة الروح

ياللي غرامك جه وصحاني

قبل ما نومه عليا تروح

لو تفارقني اموت ف ثواني

ايوه تسيبني معاك الروح

روح الروح

بقلمي/ خالد جمال ٢٠/١/٢٠٢٤

عرض الرؤى

معدل وصول المنشور: ٤٧

كل التفاعلات:

٦ارق ملاك و٥ أشخاص آخرين