صاحب نفسك

 صاحب نفسك

خواطر أغاني الأسواني

الشريف_أحمدعبدالدايم

لمّا تصاحب .. صاحب نفسـك

على الأقل تعرف مين بينافسك

صاحب نفسك ترتاح

ليه تصاحب صاحب عكسك

**….**….**….**

كانوا الصحاب أصلي وخلّصوا

دلوقتي تقليد وفالصوا

فيه صاحب بضمان سـنتين

خلص الضمان إحذر غدره

**….**….**….**

وصاحب صيني مالوش ضمان

نازل جديد بـ 3 ألوان

ممكن تطبله بالتليفون

يايجي لك ديلفري عالعنوان

**….**….**….**

وصاحب صاحب مصلحته

تفتح له جيبك .. ريحّـته

ولو طالبته باللي عليه

يزعل يقول انت جرحته

**….**….**….**

وموديل نازل بـ 2 وش

وِشْ الطيبة ووِشْ الغشْ

دايماً إيده على قلبه

ودايماً للي معاه بيرُشْ

**….**….**….**

وأصحاب تخصصّهم تفاريح

فاضيين بيضحكوا ع المجاريح

طول الليل يقولوا كلام

تطلع عليه الشـمس يسـيح

**….**….**….**

باعوا وضاع الصاحب الجدّ

باعو الخسيس بثمنه ما عدّ

غلبان و 100 ســبت يقدم

طول عمره عاش منتظر الحَدّ

**….**….**….**

إحنا في زمن صاحبك مالك

مفتاح الســحر لأعمالك

لو أعمى تلاقي عيون حواليك

ولو كًنت قبيح سِرّ جمالك

صاحب نفسك

عرض الرؤى

معدل وصول المنشور: ١٧

كل التفاعلات:

١محمود الشاعر