البحر .. و .. السواحل ——————– بقلمي – عادل عبد الرازق

 البحر .. و .. السواحل

——————–

بقلمي – عادل عبد الرازق

————————

البحر والسواحل .. 

جريح بيجرح جريح

ده يغدر

وده يستبيح

ولا وقفت دوًامة التباريح

البحر والسواحل ..

جريح بيجرح جريح

…

أغراب أغراب

أغراب يا مراكب

بحر ومجهول

وشطوط تتسرسب

وتعودي يا قلوعنا مجاريح

البحر والسواحل ..

جريح بيجرح جريح

…

يالحظة الوداع

ضاع العمر ضاع

ولا حد فينا عارف

مين يا بحر اللي باع

والسمًان اتبدًل ليه تماسيح

البحر والسواحل ..

جريح بيجرح جريح

…

على الهامش ..

مرسومة هوامش

هيًا وشوشنا

ولاً طيورنا المهشوشة

قلبك بحري

وسواحلي دي قلبك

وكل ما بيني وبينك تصاريح

البحر والسواحل ..

جريح بيجرح جريح

***

عادل عبد الرازق

عرض الرؤى

معدل وصول المنشور: ١٥

كل التفاعلات:

٢٢

أعجبني

تعليق

إرسال