كلامي ليك!
(زجل مغربي)
كلامي ليك يا ذاك الغالي
خارج جمر ݣادي
كلام صافي بلار
يداوي الجرح ويشافي
عامر بالمعنى تخليك مسحور
راني بهاذ البوح غير داوي
وعشقي ديما ف المحبة والشوق
جريت فالدنيا نداري ونراري
لا من صديق بقى لي
بجنبي كيف كان الحال ساري
غير لخيال لي بيه نسهر الليل
وحتى الحبيب بعد الولفة مشى لي
عطاني ب الأدبار ونساني
اغذر بالعشرة وشق الطريق
خلاني فالدنيا تايه وحدي ونعاني
مخطوف لعقل بحال شي مجنون
ايييه لو نرجع شوية ل شبابي
ما نكون بعشقو ضيعت أيامي
ولا تألم قلبي لي ب غرامو مفتون
-قلم: محمد دومو
-مراكش/ المغرب(10 يناير 2024)
ليست هناك تعليقات:
إرسال تعليق