طيِّب

 طيِّب

بيقولوا عنك واد غلبان

بيبان عليك طيِّب

دي نعمه يابني من الرحمن

مش حاجه تتعيِّب

داحنا ف زمن قلب الاحوال

افعاله بتشيِّب

البخت مال والسكه شمال

ف بعيد وف قريِّب

خٍسَّه ونداله ف كل مكان

تتعبى ف كتيِّب

غدر وخيانه وغش كمان

ده فوق ما تتخيِّل

فيه ناس ليلاتي ف اكل حرام

بتنام وتتقلِّب

وناس مصالح ليل ونهار

عمَّاله بتهلِّب

وناس غريبه فيها الاطوار

من حالها تستعجِب

وناس لئيمه وغاويه حوار

تكدب وبتكدِّب

وكل دول آخر المشوار

بيعايبوا ع الطيب

يا رب طيبه وحُسن مسار

ف املنا ما تخيِّب

بقلمي/ خالد جمال ١٠/١٢/٢٠٢٣

عرض الرؤى

معدل وصول المنشور: ٨

كل التفاعلات:

١فهدالصحراء الجرئ