ربي ولادك
........................................
ألفة ومحبة وإخلاص
صفي قلبك متل الماس
ربي ولادك عالأصول
قلن إنو الأقارب
أهل ومانن عقارب
حافظ على صلة الأرحام
اسقيهم أطيب مشارب
..................
من الصغر إبنك خليه
يحترم الناس ووعيه
إزرع فيو حب الخير
ومن نهر المحبة اسقيه
قلو إنو الخالة أم
والعمة حضن وبيلم
والعم هوة الأب التاني
وخالو سندو وقت الهم
.................
قلو يرعى إخواته
ويحسن صحبة رفقاته
ويحترم اللي أكبر منو
ويعطف على جداته
ربيه على حب الأوطان
والنظافة والإيمان
وحافظ على سنة نبينا
وهديي الخالق والقرآن
........................................
ملك محمود الأصفر
ليست هناك تعليقات:
إرسال تعليق