عمرى لمنتهاه
كنتى عمرى لمنتهاه
حب كان واصل مداه
بس قولى ازاى يعيش
وكل واحد فى اتجاه
فى الطبيعه عقولنا تسرح
ومره الاقيكى بعيد
هو ده اسلوب حياتك ؟
طب قوليلى ايه جديد
قولى مطلوب منى ايه
قلبى دايب حب فيكى
وانتى ليه تقسى عليه
كنت اسقيكى الحنان
حضنى فيه كل الامان
لما كان قلبى بيحزن
بسمه منك بتداويه
كنتى دايما تحتويه
اتحسدنا ولا ايه ؟
كل صبر وليه نهايه
وانتى قلبك مش معايا
الطريق فرق مابيننا
كل واحد فى اتجاه
ما أنتى كنتى نور عيونى
وكنتى عمرى لمنتهاه
شعر احمد اسماعيل / شاعر العرب
ليست هناك تعليقات:
إرسال تعليق