==== خلص السماح ====
مش كل مرة
هقول سماح
وكل غلطة
كان زمان
وانسى اللي راح
من النهاردة
خاف من خيالك
كل كلمة
حاسب عليها
لتلاقي كفي
في الحلم جالك
مش كل مرة
هقول سماح
عارف زمان
كنت بسامحك
مش ضعف مني
لكني كنت
بأصلي بأعمل
وأقول بكرة
الأيام تغير
لكني كنت عليك
بأعد وأخزن وأجمل
مش ناسي
منك قسا وجراح
مش كل مرة
هقول سماح
مرة واحدة
هتشوف مني
حاجة كدا
ولا في الخيال
تشوف مني
واحد تاني
عمرك ما شفته
تقول أشباح
مش كل مرة
هقول سماح
بقلمي
صلاح شعبان الفيداوي
القاهرة
١٠/١٢/٢٠٢٣
ليست هناك تعليقات:
إرسال تعليق