سكوت هنصور

 سكوت هنصور

بقلمي جمال القاضي

قالوا سكوت هنصور صورة

لقطة ف مشهد وتشوف للمشهد

حاجه غريبة مابين صورة وصورة

وأول مشهد شوفت هناك الصورة

لطفلة بريئة والله الحق حلوه جميلة

حافظة كتاب الله وآياته

وحافظة كمان كام رقم الآية

ولو تسألها تقولك فين الصفحة

وبأي مكان كلماتها واسم السورة

ومشهد تاني ولقطة أخدتها الكاميرا

وحزينة كتير بملامح الصورة

أم وكانوا أولادها لسه صغار

وعلى شغل تدور ليل ونهار

وزوجها مريض أو مات

بقاله سنين وايام وشهور

ولما بتسأل عن شغل فلان وفلان

ال يغازل فيها ساعتها

وال بحلو كلامه عليها يلف يدور

وال يقول زوجك فين سيبك منه

وتعالي معايا لحد هناك

لحظة جميلة نعيشها وأعطيك المال

ومن خوفها م ال خالقها

دموعها تسيل وترجع تاني لبيتها

وأولادها يقولوا اللقمه مش عايزين

وال معاها شرفك وشرفنا يضيع

أو لكرمتك حد عليها يدوس ويهين

دا الرب كريم راح يرزقنا

هو خالقنا وال خالقنا مابينسانا

ولاينسى فقير أو كان مسكين

غريبة الدنيا لما تشوفها

وانت بتاخد صورة من مشاهدها

ولقطة في مشهد وغيره كتير

وكانت الصورة غير السابقة

لشاب وداير يلف في شارع

وبسيارته يدوس ماشين

سكران من خمرة طول الليل

ومع نسوان سهران سكير

كان لازم ياخد ع راسه الخبطه

وتنهي حياته بوسط النيل

يابني هقولك وخد مني الحكمة

الدنيا غريبه لو ضحكت مرة

بكرة تشوفها عليك راح تضحك

عيش بكرامتك فيها ومرفوع الراس

ولامن فقر تخاف وكفاية الصحة

وأوعى تقول اللقمه هجيبها منين

والرب كريم وبكرمه راح يرزقنا

عيش الفقر بصحه والصحه دي نعمه

أفضل من انك تبقى معاك ملايين

ومحروم من حلو الطعم كان بالنعمه

عرض الرؤى

معدل وصول المنشور: ١٣

كل التفاعلات:

١منية النفس العامرية