الجمعة، 8 ديسمبر 2023

 اغنية (آن الأوان)

كلمات الشاعر
أدهم عبده مجلى
(أدهم العوضى)
الاغنيه مسجله مصنفات فنيه
★*★*★*★
آن الأوان تعرفى
انا حبى ليكى اد ايه
آن الأوان تفهمى
انا بعدى عنك كان لأيه
آن الأوان تعرفى وتقدرى ظروفى
انا بعدى عنك سببه ما كانش غير خوفى
و انا عمرى ما انسى هواكى
مشتاق انا للقاكى
حبك بيملى اوقاتى
بلاش بقا تبيعيه
★*★*★*★
بعدت عنك رغم حبى
وانا اللى كنت ما ليه غيره
داريت فى دمعى جوه قلبى
لما قلبك باع ضميره
بس انتى كنتى بتبعدى.
عارفه وكنتى بتعندى
لو كنتى يوم اه توعدى
ما كنا تهنا فى الزمن
لو كنت اقولك ارجعى
عمرك ما كنتى هتسمعى
وانتى اللى جايه تودعى
وانا اللى بادفع التمن
آن الأوان ترجعى من تانى لاحضانى
آن الأوان تسمعى ندمى واحزانى
ده انا عمرى ما انسى هواكى
مشتاق أنا للقاكى
حبك بيملى اوقاتى
بلاش بقا تبيعيه
★*★*★*★
انا بعدى عنك كان لخوف
إن الزمان يجرح قلوبنا
ولا خدت منك اى وعد.
وقت الحنان وضاع نصيبنا
وانا لسه بأحلم بالهوا
يجمعنا من تانى سوا
جرحى يكون ليكى دوا
وانتى اللى هتداوى فى جرحى
يا ريت بقى ترجعى ليا
يا نور عنيا ولياليا
لو كنتى اااااه مستنيه
هاعيش معاكى عمرى وفرحى
آن الأوان ترجعى من تانى لاحضانى
آن الأوان تسمعى ندمى واحزانى
دانا عمرى ما انسى هواكى
مشتاق انا للقاكى
حبك بيملى اوقاتى
بلاش بقا تبيعيه
★*★*★*★
ادهم عبده مجلى
أدهم العوضى
(آن الأوان)
كل التفاعلات:
ارق ملاك

في

ليست هناك تعليقات:

إرسال تعليق

الاشتراك في: تعليقات الرسالة (Atom)

كيف أنّجو من غوصّي فيكِ

  كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...

  • (لا تزال عالقة) بقلم عواطف فاضل الطائي
    (لا تزال عالقة) حلقة مفرغة من الخيارت تراوغها بيقينها ان القدر سينظم لهما لقاء وكأن الحياة قد توقفت في تلك اللحظة.. لا تعرف ماذا تفعل هل حقا...
  • دغدغه دغدغه
      دغدغه كل حاجه ملغبطه زاي رسمه بشخباطه والملامح مكشره والقلوب بين الضلوع دايبه هاشه مدغدغه ماتت الضحكه حتي وقت الزغزغه والفرحه جايه مجرحه و...
  • (حكم فاسد)
      (حكم فاسد) أحزاب وكتل دمرو لعراقي وشتترجه بعد من حاكم وفاسد وكلها التحچي بهل يوم وطالب وتحچي اباسم الله وصاير العابد وشباب انباع بالدولا...