مجلة نداء الرؤح لفرسان الكلمات

 وصية أب (٢) بقلم أحمد شاهين

عِيبك مش إن أبوك فقير

ولا حتى أمك طيبه

عيب الحياه فى حاجات

كتير

بعيده مش قُريبه

وأبوك بيعمل ما بداله

بس أبوك على أد حاله

حاول يحقق يوم مُحاله

بس خلاص راح الصِبا

بُكره يا إبنى تبقى أب

وتحِس حُبى أد أيه

دنا كل يوم بقول يارب

إبنى كِدا تطبطب عليه

وتكون حياته غيرى أنا

يسعّد يعيشها بالهنا

ويقول أبويا عاش هنا

وبقلبى بتّرحّم عليه

أنا نِفسى أطمِن عليك

وتعيش حياتك مطمئن

لا ألمح فى يوم دمعه

فى عينيك

ولا للغِنا قلبك يِحن

كُتر الفلوس دا مِش غِنا

حِب النفوس المؤمنه

هاتعيش حياتك فى هّنا

والخير هيبقى ما بين إيديك

عيبك مش أن أبوك فقير

ولا حتى أمك طيبه

عيب الحياه فى حاجات كتييير

بعيده

مش

قُريبه

كلمات. أحمد شاهين

عرض الرؤى

معدل وصول المنشور: ٣٩

كل التفاعلات:

١ارق ملاك