مُحال
انسى حبِّك
اسلى قلبِك
لو عشت عمري انا رحَّال
دانا مهما طُفت
لفيت وشُفت
ف البعد عنِّك حالي حال
مش ممكن أنسى ضحكة عنيكي
او قلبي يأسى ييجي يوم عليكي
ده هواكي مرسى منِّك إليكي
والشوق ف قلبي ما يتقال
دانا قلبي عاشقِك
م الكون ده سارقِك
غربك وشرقك
عُقدِك وحَلَقِك
طب ايه لزومه خوفِك وقلقِك
دانا واللي خَلَقِك ميَّال
بتقولي خايفه
يتعبني بّعدي أو اشوفلي صٍرْفه
دانا لو هواكي حطُّوه ف كفَّه
والكون ده كله ولا عمره كفَّى
ولا ذره واحده من شوقي وفّى
دي الروح معاكي وعليكي واقفه
دانا يوم لقاكي يوم عيد ووقفه
يوم فرح مالو مثال
محال
بقلمي/ خالد جمال ٣/١٢/٢٠٢٣
ليست هناك تعليقات:
إرسال تعليق