* * * مشكلتي * * *
للشاعر /صابر الشناوي
مشكلتي إنى ما بنمشي
عيوني ما تشوفكيش
أنام وأسرح
أللاقيكي جوه في النني
مغطيكي بجفني
وإنت فرحانه بتتمني
ما أفتح عيني
أفوق. وأصحي
أللاقيكي دخلتي جوايا
بتتمشي في قلبي
ودمي و نازله في الشريان
تقولي بحبك أقول زيدي
وحبك يجري في وريدي
أللاقي كل شيء فىا بينده
خليكي هنا شويه
وتقوم جوايا كام مشكل
على مين يفوز بيكي
ويجوا يحكموا قلبي
يقولوا حكمه ما ينفعشي
لأنه ميال قوي ليكي
ونفسه تكوني دايما فيه
يرفعوا دعوى عليه لا يجوز
بإنه لوحده بيكي يفوز
يقولوا خلاص مافيش
غير العقل يتكلم
يلاقوا العقل بيتألم
يقول خلاص هريحكم
خلوها هنا. معايا
وتبقي تعمل لكم زيارات
الكل يرفض حكم العقل
ويقولوا حكمك دا مش موزون
طلعت إنت كمان مجنون
هنرفع دعوى للأقوي
هنرفع دعوي للإحساس
لقوه تايه ما بينمشي
ليست هناك تعليقات:
إرسال تعليق