معدش ... لله... خشى ********

 معدش ... لله... خشى

********

القلب جواه حقد وآسى

الغل بيرعرع بالحشى

أيه اللى جرى لينا

الحب بوجودنا أتتسى

معدش لله خشى

الفحش بكل مكان

ساد فجور النسوان

بنقول العيب مش فينا

دا أحنا ريحنا الشيطان

حاله بينا فرحان

يادى النور والهنا

سيبنا اللجام للهوى

بص كدا حوالينا

تلاقى الخير أتفنى

عايشين بمبدأ الأنا

راحت فين الحنية

بوجودنا خلاص مستخبية

قتلناها أحنا بأيدنا

والنفس ليها مشتهية

أحنا عايشين ف مجتمع

محدش عن أثمه رجع

مبندورش ع الفقير

حاله جوع ولا شبع

وخدانا الدنيا ف دوامة

على عيونا غيامة وغيامة

شوف وصلنا لأيه

سيبنا طربق السلامة

أخترنا سكة الندامة

دا اللى بيحصل كتير

الصغير بيسوق الكبير

نسينا حلو القديم

قتلنا القيم والخير

بنورث الشر للغير

بنطلع م جراح لجراح

مبنتعلمش م اللى راح

مبنجبش الحق علينا

معدش بقلوبنا سماح

عجبت كل العجب

الفكر ف الأخرة أتشطب

الموت الحق علينا

فجأة من غير سبب

متخلقناش أبدا للخلود

جينا للابتلاء بالوجود

قدمنا أيه لآخرتنا

عملنا فيها علينا مردود

*******

بقلم

غادل جاد

كل التفاعلات:

١١