ليه تقضِّي عمرك في الاحزان
ليه تكتئب وتعيش متوتر
ده كل شئ محسوب بميزان
على الجبين مكتوب متسطر
ربك خلق في الدنيا وزان
علشان تعيش مش تتكدر
كوبايه لو نصها مليان
ليه تشوف عنيك نقص مسيطر
لو ريح كمان غطى الاكوان
جاى النسيم صافي متعطر
لو بحر هاج امواج فيضان
هتشوفه يوم ماشي يتمخطر
ارضى بنصيبك مهما ان كان
على نعمته ليه تتبتّر
ده الحمد شرط النعمه دوام
ربك يزيد فيها ويكتّر
بقلمي/ خالد جمال١٦/١١/٢٠٢٣
ليست هناك تعليقات:
إرسال تعليق