الخميس، 16 نوفمبر 2023

بحبك موت #الشاعر_وليد_راغب

 بحبك موت

انا لو عارف أكون غير واحد حبك موت
كنت بقيت
بس يا ريت
أصل الراجل لما يحب
بتبقى حبيبته كل الدنيا
واما بيعشق
كل كلامه بيبقى سكوت
فأنا مش عارف ابطل انى احبك موت
اه باتضايق
لما باشوفك بعض ساعات
لكن وانا وياكى لوحدى
بحس كأنى.. ملكت الملكوت
بابقى معاكى بجد انا عايش
واما بتمشى كأنى باموت
انا مش عارف ابطل إنى احبك موت
تعرفى معنى أحبك موت
يعنى اسكت وانا عايز أتكلم
يعنى أخبى الغيره فى قلبى
وافضل هادى وامد اديا كمان واسلم
يعنى اسكت خالص وانا شايفك بتروحي بعيد
مايبانش عليا وانا بتألم
يعنى ابقى خيالك
باصص أدامك
يعنى أفضى لك وأفضفض لك
واسمع ضحكك
وابقى انا سندك
وارضى بعندك
وتشوفى بعينك انى باعيش
وتشوفى فى عينى انى باموت
هو ده معنى بحبك موت
يعنى أطير لما تبصى عليا بعينك
وافضل اراقبك وانتى بعيد
يعنى ادوب
وقلبى فى قربك يبقى حنين
واما اتمنى قلبى يعاند يبقى حديد
يعنى أقرر
انى اتحير
بس أفضل دايما أدامك
حب أكيد
هو ده معنى بحبك موت
و انى عنيد
قد تكون صورة بالأبيض والأسود لـ ‏‏شخص واحد‏ و‏كسوف‏‏
كل التفاعلات:
٢٠

في

ليست هناك تعليقات:

إرسال تعليق

الاشتراك في: تعليقات الرسالة (Atom)

(لا تزال عالقة) بقلم عواطف فاضل الطائي

(لا تزال عالقة) حلقة مفرغة من الخيارت تراوغها بيقينها ان القدر سينظم لهما لقاء وكأن الحياة قد توقفت في تلك اللحظة.. لا تعرف ماذا تفعل هل حقا...