زجلية تحت عنوان:

 زجلية تحت عنوان:

حَيٍد لا تْجَمًد ***

سير صلح ؤ سدد

لا تكذب لا تنكر ...

ؤ على تخلويض بعد

هي الامور باينة...

فعلاش تمشكلها ؤ تعقد

نفد

وفي الهم لا تمدد

ياك هما قالوا حيد

وانت بلغاك في الكلثة تصيد

باش قلتي كونجولي و جمد

اش تتغرد

وبحبل لعناد والنكران...

اشتدت لعوافي والجمر زنًد

ما قاد على جوقة ولا ثقلة

ما بدعتي ؤما حلتي بيبان زدتي بلة

فاقد الشيئ ما يعطيه ...

سنطيحة ولوجه قاسح مجبد

غير عَبًد ...

طريق مول لقلم والنور

دعم الركزة والرذيلة والفجور

وفي لمال العام زيد بدد

حنا قلنا حيد...

ؤ انت قلتي نجمد

ذاك نظام المآسي فاحصي وعدد

به طفات المدرسة والناس تقاسي

لمصلحة لخاصة ؤراسي يا راسي

نهبوا الغلة وتجاوزوا لمطلب والحد

بل تحماو على الضعيف والكادح

كملوها بالأستاذ والكرباج ولوجه قاسح

شتفوا ونتفوا وباب لمعقول قفلوه وتسد

بالريال شراوا مول لحدبة والجربة

عاد الصالح بوق وزادت النكبة

بغاوا بالسيف يحكموا...

والنكير والقهرة والجلد

لا مهارة لا تخطيط ولا تدبير

لغة باك صاحبي ودهن السير يسير

ركبوا الأزمات والجهد تحد

بغاوها غابة في الجهل طاجة

لا نضج لا وعى سوقهم بالفاضي عاجة

نتفوا الدرويش ولغلا زند

فسير بعد

لقى لحل ونفد

لوح ذيك الطامة...

في البركسة ولْحَسْها ما تجبد

معاك تسالى لكلام

كاع ما مسوق وخا الصياح ولغيام

ردتك الغفلة قليل لأصل مجلد

فهي عصابة لهي وجمد

خلات التلميذ مشرد

ؤ ولادهم بعاد على لهم والصهد

وهي عصابة جمد

جا وقتها تطير وتحيد

لبلاد عامرة رجال

لا شفرة لا استغلال

همها لأرض تزيد تكبر...

ويفرحوا الاطفال

يعود الحق حي ناطق يعبر

ما شي كونجولي وبين الرفوف مجمد

فحيد لا تجمد

***الشاعر والزجال: أحمد الكندودي ***المغرب ***

كل التفاعلات:

٢٢